Казакстанда 15 жаштагы окуучу кыз төрөгөндөн кийин жакындары үйүнөн кууп чыкты (фото)

Коңшу Казакстандын Шымкент шаарында 15 жаштагы окуучу кыз төрөгөндөн кийин жакындары үйүнөн кууп чыкты. Бул тууралуу аталган өлкөнүн басылмалары жазып чыгышты.

Маалыматка ылайык, кыз төрөп, үйүнө келгенден кийин атасы бул үй-бүлө үчүн уят экенин айтып, апасынын үйүнө жөнөткөн. Бирок кыздын апасы дагы небересин баккысы келген эмес. Жыйынтыгында кыз менен ымыркай көчөдө калып, аларга камкор адамдар жардам берип келишкен.

Учурда ымыркай кризистик борбордо. Ал эми төрөт үйүнүн кызматкерлери бул тууралуу полицияга кабарлашкан эмес. Жада калса ымыркайга туулгандыгы тууралуу күбөлүк да беришкен эмес.

Кыз интернатта таанышкан жигиттен боюна бүтүп калган. Жигит ымыркай төрөлгөндөн кийин качып кеткен.