"Күчүбүз жетет". Рамзан Кадыров Чеченстан Ингушетиядан жерлерин күч менен тартып алышы мүмкүн экендигин айтты

Чеченстандын лидери Рамзан Кадыров өз өлкөсүнүн жарандары менен Ингушетиянын ортосундагы кезектеги жаңжал чыгып жатканын айтты. Мындай маалыматты орус басылмалары жазып чыгышты.

"Эгер тынчтанбасаңыз, мен Дудаев (ред. Чеченстандын мурдагы президенти) мыйзамсыз өткөрүп берген жерлердин баарын кайтарып алам. Мунун баарын жасасам жакшы болбойт. Жерлерди кайтарып алууга биздин күчүбүз жетет, ага карабай бир кадам таштаган жокпуз, бир ооз сөз айткан жокпуз", - деген Кадыров.

Мындан тышкары, Рамзан Кадыров ингуштар тарыхый жактан чечендерден тараганын айткан.

Рамзан Кадыров провокация Чеченстан менен чектешкен Ингушетиянын Сунженск районунун Даттых айыл аймагындагы оңдоо иштери жүрүп жаткандыктан чыгып жаткандыгын айткан. Анда жергиликтүү тургундардын бири аткарылып жаткан иштердин видеосун жарыялаган. Ингушетиялык колдонуучу муну "коңшулардын кезектеги провокациясы" деп атады.

Буга чейин Ингушетиянын Сунженск облусунун башчысы Магомед Жейтов Чеченстан тараптан дарыянын нугун өзгөртүү иштери жүрүп жатканын билдирген. Өз кезегинде Чеченстандын Серноводск облусунун башчысы Исмаил Исраилов дарыянын нугун кайтарып берүүнү талап кылган.