Бишкек-Ош унаа жолунда жол кырсыктан каза болгондордун арасында кош бойлуу келин бар

Бишкек-Ош унаа жолунда жол кырсыктан каза болгондордун арасында кош бойлуу келин бар. Бирок анын аты-жөнү тактала элек. Бул тууралуу ӨКМнын басма сөз кызматынан билдиришти.

Каза болгондордун ичинен 5 жарандын аты-жөнү такталды. Алар:

1. О.А. 1961-жылы туулган эркек киши;

2. А.Ж. 1970-жылы туулган эркек киши;

3. М.Г. 1965-жылы туулган аял киши;

4. Т.О. 1960-жылы туулган аял киши;

5. Н.Б. 2001-жылы туулган аял киши.

Дагы эки аялдын аты-жөнү тактала элек.

Кечээ,16-ноябрда Ош облусунун Кара-Суу районунун Бишкек-Ош унаа жолунда КамАЗ менен Mercedes-Benz Sprinter жана Daewoo Nexia унааларынын катышуусунда жол кырсыгы катталып, 7 адам каза болгон.

SUPER.KG порталына Ош облустук жол кыймылынын коопсуздугун камсыздоо бөлүмүнүн кызматкери Алтынбек Тенгизбаев кырсыктын чоо-жайын айтып берген. Анда алдын ала маалыматтарга караганда эл ташыган Спринтер унаасы жол эрежесин одоно бузуп, карама-каршы тилкеге чыгып айдагандан улам жол кырсыгы келип чыкканы айтылган.