Эльдар Абакиров, №7: “Программабызда IT жана креативдүү экономика тармагында 100 миң орун түзүү планы камтылган”

“IT жана креативдүү экономика тармагына өзгөчө көңүл буруу керек. Бул замандын талабы”. Бул тууралуу “Альянс” саясий партиясынан депутаттыкка талапкер Эльдар Абакиров теледебат учурунда билдирди.

“Программабызда IT жана креативдүү экономика тармагында 100 миң орун түзүү планы камтылган. Кыргызстанда азыркы тапта 10 миңге жакын программист бар. Мен өзүм прикладдык математика факультетин аяктагам. 5 жыл программист болуп иштегендиктен бул тармакты жакшы билем. Кыргызстанда программисттердин орточо кирешеси 1000-2000 доллар. Эгер мамлекет жылына 10 000 программистти даярдап чыгаруу боюнча окуу жайларга тапшырма берсе, 10 жылдан кийин алардын саны 100 миңге жетет. Бул өлкө экономикасына чоң салым болот”, – деди Абакиров.

АЛЬЯНС - 3 ☑ - БИР КҮЧ!

Эльдар Абакиров - 7 ☑

Аткаруучу: "Супер.кж" ЖЧКсы. Дареги: Бишкек шаары, Турусбеков көчөсү 109. Нускасы 1. Буюртмачы: "Альянс" саясий партиясы. “Альянс” саясий партиясынын каржы иштери боюнча ыйгарым укуктуу өкүлү Ч.К.Арзымбаеванын тескөөсү менен “Альянс” саясий партиясынын шайлоо фондунун каражаттарынан төлөндү. 18-ноябрь, 2021-жыл.