Нарын. Үй-бүлөдөгү зордук-зомбулуктун алдын алуу боюнча тегерек стол болуп өттү

Бүгүн “Бүткүл дүйнөлүк Кызыл Ай” уюмунун Нарын облустук өкүлчүлүгүндө “Үй-бүлөдөгү зордук-зомбулуктун алдын алуу” деген темада тегерек стол болуп өттү. Дүйнө жүзүндөгү социалдык катмардын бардык тармактарындагы өкүлдөр арасында зордук-зомбулукту жоюу боюнча долбоорлор ноябрь айынан тарта жүргүзүлүп келе жатат. Бул долбоор боюнча Нарын облусундагы Нарын билим берүү долбоорлорунун агенттиги иш алып барып келет. Иш-чарага Ак-Талаа районунун Үгүт айылынын, Нарын районунун Жерге-Тал айылындагы “Элет эгемен” бейөкмөт уюмунун, “Адилет Укук клиникасы”  укук коргоо органдарынын жана массалык маалымат каражаттарынын өкүлдөрү катышты.