Жанар Акаев: “Соңку 6 жылда саналуу гана депутаттар дайыма эл тарапта болду”

“Соңку 6 жыл аралыгында саналуу гана депутаттар дайыма эл тарапта болду. Алар калктын үнүн угуп, өкүлчүлүк милдетин мыкты аткарышты. Мына ошол адамдар бүгүн “Альянс” партиясы менен парламентке бара жатат”. Бул тууралуу Жанар Акаев Бишкекте шайлоочулар менен жолугушканда айтты.

Ал эл өкүлүнүн негизги миссиясы элди угуп, чындыкты өкмөткө, президентке жеткирип туруу экенин баса белгиледи. Айтымында, депутаттардын ыйгарым укуктары кыскарганы менен парламентте калыстыктан, адилеттиктен тайбаган депутаттар керек. Тилекке каршы, эл өкүлдөрү өз милдеттерин так, туура аткарбаганы үчүн шакаба, күлкүгө айланып жатат.

Тең төрага шайлоо системасын түп тамырынан бери өзгөртүүгө салым кошкондордун сап башында альянсчылар турганын баса белгилеп, элге тандоо укугун кайтарып бергенин сыймыктануу менен айтты.

“Преференциалдык добуш берүү ыкмасын киргиздик. Мурун партияны гана шайласаңар, азыр анын ичинен жаккан талапкерди тандап аласыңар”, – деди Акаев.

АЛЬЯНС - 3 ☑ - БИР КҮЧ!
Жанар Акаев - 2 ☑

Аткаруучу: "Супер.кж" ЖЧКсы. Дареги: Бишкек шаары, Турусбеков көчөсү 109. Нускасы 1. Буюртмачы: "Альянс" саясий партиясы. “Альянс” саясий партиясынын каржы иштери боюнча ыйгарым укуктуу өкүлү Ч.К.Арзымбаеванын тескөөсү менен “Альянс” саясий партиясынын шайлоо фондунун каражаттарынан төлөндү. 24-ноябрь, 2021-жыл.