Сабалган адвокат Икрамидин Айткулов тергөөчүлөр менен иштешүүдөн баш тартты

Бишкек шаардык ички иштер башкы башкармалыгы адвокат Икрамидин Айткуловдун сабалышы боюнча иликтөө жүргүзүп жатат. Муну аталган органдан билдиришти. 

13-ноябрда саат 22:00 чамасында Свердлов РИИБинин нөөмөт бөлүмүнө белгисиз бирөөлөр адвокатты сабап кеткени тууралуу маалымат түшкөн. Айткуловдун мээси чайкалып, буту сынганы аныкталды.    

Тергөөдө төмөнкүлөр белгилүү болду: И.Айткулов 13-ноябрда үйүнөн дүкөнгө чыккан. Ошол учурда аны 4 адам себепсиз эле токмоктоп, “Айфон” үлгүсүндөгү телефонун алып окуя болгон жерден из жашырып кетишкен. Бүгүн Айткуловго көрсөтмө алуу үчүн Свердлов РИИБинин өкүлдөрү келишип, бирок адвокат алар менен иштешүүдөн баш тартты.  

Буга карабай милиция тергөө жүргүзүү үчүн бардык аракеттерди көрө турганын билдирет Бишкек ШИИББи.