Буга чейин мас абалда унаа башкарган. Ырчы Иса Өмүркуловдун дагы башка окуясы тууралуу видео

Ырчы Иса Өмүркуловдун мас абалда унаа айдап бара жаткан видеосу NewTV Патруль каналына жарыяланды. Анда ырчы Тойота Ист үлгүсүндөгү унааны башкарып бара жатканда кайгуул кызматкерлери тарабынан токтотулуп, андан кийин наркологиялык борборго жеткирилгенин көрүүгө болот.

Наркологиялык борбордун адиси ырчы буга чейин да келгенин айтат. Ал эми Иса Өмүркулов 2 күн мурда келгенин ырастаганын байкоого болот. Андан кийин унаа айып короосуна токтотулат.

Белгилей кетүүчү жагдай, бул видео интернетке 1 ай мурда чыккан.

Бүгүн, 24-ноябрда Октябрь РИИБине ырчы Иса Өмүркулов Бишкек шаарындагы кафелердин биринде эсеп төлөбөй жаткандыгы кабарланганы маалымдалган. Окуя боюнча аталган кафенин администрациясы маселе жөнгө салынганын айтып, башка комментарий берүүдөн баш тартышты.

Азырынча жогорудагы окуялар боюнча ырчы менен байланышуу мүмкүн боло элек.