Уругвай жана Мексика курама командалары футбол боюнча Дүйнө чемпиондугун жарым-жартылай камсыздашты

13-ноябрда футбол боюнча 2014-жылы Бразилияда өтүүчү Дүйнө чемпиондугуна тандап алуу турунун алкагында континенттер аралык оюндар болуп өттү. Бул тууралуу ФИФАнын расмий сайты билдирет.

Анда Түштүк Америкадагы тандап алуу турунда 5-орунду ээлеген Уругвай курама командасы Азия чөлкөмүндөгү тандап алуу турунда 5-орунду ээлеген Иордания курама командасы менен беттеш өткөрдү. Беттеш 5:0 эсебинде уругвайлыктардын жеңиши менен аяктады. 

Ал эми дагы бир континенттер аралык беттеш Мексика менен Жаңы Зеландиянын ортосунда өтүп, анда 5:1 эсебинде мексикалыктар утуп алышты.

Жыйынтыгында Мексика жана Уругвай курама командалары биринчи оюндун жыйынтыгы менен Дүйнө чемпиондугуна жолдомону 90 пайызга камсыздай алышты. Жооптук оюндар 20-ноябрда өтөт.