Акылбек Жапаров Шанхай кызматташтык уюмунун жыйынына катышты

Министрлер кабинетинин төрагасы Акылбек Жапаров Шанхай кызматташтык уюмунун жыйынына катышты. Бул тууралуу министрлер кабинетинен кабарлашты.

Жыйын видеоконференция режиминде өтүп анда ШКУга мүчө-мамлекеттердин өкмөт башчылары сөз сүйлөдү. Бул тууралуу министрлер кабинетинин басма сөз кызматынан маалымдашты.

Министрлер кабинетинин төрагасы ШКУ аймактык коопсуздукту камсыз кылуу жана жаңы чакырыктарга жана коркунучтарга каршы туруу боюнча жалпы күч-аракеттерди координациялоо үчүн жемиштүү аянтча экенин белгилеген.

"ШКУ эл аралык уюмдардын арасында өзгөчө орунду ээлейт жана тынчтыкты, коопсуздукту жана туруктуулукту сактоого, ошондой эле туруктуу социалдык-экономикалык өнүгүү үчүн жагымдуу шарттарды түзүүгө өзүнүн күч-аракетин багыттайт", - деген Акылбек Жапаров.

Ошондой эле өкмөт башчы Дүйшөмбү шаарында өткөн ШКУнун саммитинде кыргыз тарап Бишкекте Эл аралык уюшкан кылмыштуулукка каршы күрөшүү борборун түзүү демилгесин көтөргөнүн белгиледи.

Мындан тышкары транспорттук-логистикалык инфраструктураны жакшыртуу жана аймактагы автомобиль жана темир жол транспортунун жаңы эл аралык каттамдарын түзүү үчүн биргелешкен инфраструктуралык долбоорлорду натыйжалуу ишке ашыруу зарылдыгына көңүл бурган.

Кытай-Кыргыз өлкөсү - Өзбекстан темир жолун куруу долбоорун ишке ашыруу аймактын транзиттик потенциалын жана деңиз портторуна чыгуу мүмкүнчүлүгүн толук ачууга карай олуттуу кадам болуп калышы мүмкүн", - деп баса белгилеген Акылбек Жапаров.

Климаттын өзгөрүшү темасында Кыргыз өлкөсү Бириккен улуттар уюмунун Башкы ассамблеясынын 76-сессиясында климаттын өзгөрүшүнө адаптациялоо боюнча максаттуу программаларды ишке ашыруу үчүн бул эл аралык уюмдун алдында атайын фонд түзүү сунушун киргизген.