Бишкекте асманга ок аткан жаранга кылмыш иши козголду

Бишкектин Жал кичи районунда асманга ок атуу фактысы боюнча "бейбаштык" беренеси менен кылмыш иши козголду. Бул тууралуу SUPER.KG порталына Ленин райондук ички иштер башкармалыгынан билдиришти.

"Кыргыз Республикасынын Кылмыш-жаза кодексинин 121-беренеси ("калктуу конуштарда ок атуучу куралдан атуу") боюнча сотко чейинки өндүрүш иштери башталган. Ошондой эле Р.Б. аттуу жаран МР-371 КВ үлгүсүндөгү тапанчасын жана гильзасы жок огун өз ыктыяры менен тапшырып, тиешелүү экспертизалар дайындалган. Мындан тышкары жүргүзүлгөн иликтөө иш-чараларынын жүрүшүндө, бул жаран Бишкектеги жеке күзөт агенттиктеринин бири экендиги аныкталган. Учурда тергөө иштери уланууда", - деп билдиришти милициядан.

23-ноябрда интернетке ыкчам аракет көрүү тобунун (ГБР) кызматкери асманга ок чыгарды деген видео тараган.