Улуу Британиянын ханышасы Елизавета II'нин сырдуу сейфинде эмнелер бар?

Улуу Британиянын ханышасы Елизавета II'нин расмий өкүлү Эндрю Макфарлейн People журналына берген маегинде анын сейфинин сырын ачты. Бул тууралуу чет элдик басылмалар жазышты.

"Королдук үй-бүлө мүчөлөрүнүн тар чөйрөсүнө кирүү мүмкүнчүлүгү чектелген сейфте ханышанын да, анын туугандарынын да расмий тастыкталган керээздери бар. Кампада мөөр басылган конверттерде 30дан ашык документ бар. Виндзордун үй-бүлө мүчөлөрүнүн бири каза болгондон кийин, анын керээзи ачыкка чыгат. Конверт андан ары сейфте сакталбайт", - деди Макфарлейн.

Эскерте кетсек, сентябрда Елизавета II 12-жолу чоң эне болду. Британ тактысынын мураскору катары тогузунчу орунду ээлеген 33 жаштагы ханбийке Йорк Беатрис 18-сентябрда кызын төрөдү. Салмагы 2,77 килограмм болгон кыз саат 23:42де Лондондогу төрөт үйүнүн биринде төрөлгөн. Ал тактыга мураскор катары 11-болуп калды.