Коопсуздук кеңешинин катчысы: "Добушуңарды 1 миң же 2 миң сомго сатпагыла"

Коопсуздук кеңешинин катчысы Марат Иманкулов шайлоочуларды добуш сатпоого чакырды. Бул тууралуу ал бүгүн, 28-ноябрда брифингде айтты.

"Мурда административдик ресурстар пайдаланылган, добуш сатып алуулар болгон. Бул элдин кыжырын келтирген. Эл нааразы болуп аягы мамлекеттик бийлик алмаштырылган. Шайлоо болоор убагында мыйзам бузуулар бул биздин улуттук коопсуздукка коркунуч келтирген фактор болуп саналат. Добуш сатып алууну токтотуш керек. Акча менен добуш алам дегендер кандай максатта келгени түшүнүктүү да. Урматтуу шайлоочулар, 1000-2000 сомго сатылбагыла", - дейт ал.