Парламент: “Кыргызгазды” Орусияга сатуу боюнча макулдашууну тезирээк ратификациялоо сунушу айтылды

“Ата Мекен” фракциясынын 15-ноябрдагы жыйынында “Кыргызгазды” Орусияга сатуу боюнча кыргыз-орус өкмөттөрү ортосундагы макулдашууну тезирээк ратификациялоо сунушу айтылды. Муну аталган ишкананын башчысы Тургунбек Кулмурзаев айтты. “Кыш кирип келе жатат. Маселени тезирээк чечүү керек”,- дейт Кулмурзаев.  

Айта кетсек, макулдашуу ратификацияланган соң "Газпром" Кыргызстанга газ жеткирүү иштерин баштайт. Мындан сырткары КРнын газ берүү системинде бир катар оңдоп-түзөө иштери жасалмакчы. Ошондой эле бул макулдашууга ылайык, аталган орусиялык компания 5 жылдын ичинде КРнын газ тармагындагы инфраструктураны жакшыртуу максатында 20 миллиард рубль инвестиция салууну кепилдөөдө. Айта кетсек, "Кыргызгаздын" карыздары да Орусиянын моюнуна жүктөлөт.