Теннисчи Данияр Дулдаев Эл аралык мелдештин жарым финалында утулду

Кыргызстандык теннисчи Данияр Дулдаев Индияда өтүп жаткан “Futures” сериясындагы Эл аралык мелдештин жуптугунда жарым финалда уттуруп жиберди. Бул тууралуу Эл аралык теннис федерациясынын расмий сайты билдирет.  

Маалыматка ылайык, Данияр Дулдаев казакстандык Тимур Хабибулин менен жуптукта жарым финалдык оюнда индиялык Рамкумар Раманатан жана Ашвин Вижайрагаван жуптугуна утулуп калды (1:6, 5:7).

Эске салсак, теннисчи жекеликте мелдештин 2-айлампасында таиланддык Жуй-Ченг Хунгуга утулуп калган. Бул жолку жеңилүүсү менен ал мелдешти толук бойдон жыйынтыктады.