Өмүрбек Текебаев “Кумтөр” боюнча Башкы прокуратура начар иштеп жатканын айтты

“Ата Мекен” фракциясынын 15-ноябрдагы жыйынында фракция лидери Өмүрбек Текебаев “Кумтөр” боюнча иш жүргүзүүдө Башкы прокуратура алсыздык кылып жатканын айтты. “Бул маселе боюнча иш козголгон акыркы айлардан бери эч кимге айып угузула элек. Улуттук байлыгыбызды мамлекетке кайтарып алууда эмне үчүн прокуратура мындай начар иштеп жатат?”- деди Текебаев.  

Жыйынга аталган иш боюнча тергөө тобунун өкүлдөрү катышууда. Фракциядагы башка депутаттар башкы прокурор Аида Салянова жыйынга келиши керектигин билдиришти.