"5 миллион эл бир жылда канча картошка жей турганын кантип эле Айыл чарба министрлиги билбейт?" дейт депутат Тынчтык Шайназаров

"5 миллион эл бир жылда канча картошка, канча нан жей турганын кантип эле Айыл чарба министри аныктай албайт?" деген суроону депутат Тынчтык Шайназаров бүгүн парламент жыйынында көтөрдү. "Кыргызстанда бир жылы ун кымбаттайт, кийинки жылы шекер, башка жылы картошка кымбаттайт. Муну жөнгө салуу үчүн Айыл чарба министри тийиштүү иш-чараларды аныктап чыгышы керек",- деди депутат. Ал ошондой эле чек ара маселесине токтолуп, Кыргызстан менен Казакстандын чек арасындагы дарыя Кыргызстан тарапты көздөй жылып, коңшу өлкө улам бери карай жылып келе жатканын айтып, буга өкмөттүн көңүлүн бурду.