Кыргызстанда электр энергиясынын баасы 2014-жылы жайында көтөрүлүшү мүмкүн

2014-жылдын жай айларында электр энергияга болгон бааны көтөрүү пландалып жатат. Бул тууралуу энергетика жана өнөр жай министринин статс-катчысы Батыркул Баетов 15-ноябрда журналисттер менен жолугушуу учурунда билдирди. 

“2013-жылы электр энергиясына болгон бааны көтөрбөө тууралуу өкмөт министрликке көрсөтмө берген. 2014-жылдын 1-апрелинен тарта жарыкка болгон бааны жогорулатуу чаралары талкууланат. Ошондо электр энергиясына болгон баа кийинки жылдын июль айында жогорулап калышы мүмкүн”,- деди Баетов.