Мирлан Мурзаев, футболчу: “Жаракатымдан качан айыгарым дүйшөмбү күнү билинет”

“Дордой” футболдук клубунун оюнчусу, футбол боюнча Кыргызстан улуттук курама командасынын чабуулчусу Мирлан Мурзаев алган жаракатынан улам быйылкы сезонду эрте бүтүрдү. Бул тууралуу ал бүгүн, 15-ноябрда super.kg порталына билдирди.  

“Мен үчүн быйылкы сезон бүттү. 19-ноябрда орун алчу Кыргызстан-Азербайжан жолдоштук беттешине да чыга албайм. Жаракаттан качан айыгып, качан майданга кайтарым дүйшөмбү күнү белгилүү болот. Дарыгерлер азыр менин жаракатымды карап, талдап жатышат”,- дейт футболчу.  

Кошумчалай кетсек, Мирлан Мурзаев “Алга” - “Дордой” оюнуна көрүүчү катары келип, беттешке майдан сыртында көз салып отурат.