Орусиядан 2013-жылы 168 кыргызстандыктын сөөгү алынып келинди

Кыргызстандын Орусиядагы элчилигинин басма сөз кызматынын маалыматына ылайык, Орусиядан 2013-жылдын 10 айында 168 кыргызстандыктын сөөгү алынып келинди. Анын ичинде ар кандай оорулардан каза болгондордун саны 33, күтүлбөгөн кырсыктардан улам 57, жол кырсыгынан 23, өзүн өзү өлтүргөндөр 9  жана сууга чөккөндөрдүн саны 12ни түздү. Өндүрүштөгү кырсыктардан 6 Кыргызстандын жараны каза болсо, 16 адам киши колдуу болуп каза тапкан. Ал эми 47 адамдын өлүмүнүн себеби аныкталган эмес.