Декларация-2020: Талант Мамытовдун үйү дагы, унаасы дагы жок

Финансы министрлигине караштуу Мамлекеттик салык кызматы расмий сайтына Бирдиктүү салык декларациясын тапшырган мамлекеттик жана муниципалдык кызматкерлердин кирешелери, чыгашалары жана мүлкү жөнүндө жыйынды маалыматтарды жарыялай баштады.

Жогорку Кеңештин төрагасы Талант Мамытовдун 2020-жылдагы декларациясы жазылган. Ал 703 миң 355 сом киреше тапкан. Ал эми чыгашасы 550 миң сомду түзөт. Турак жайы жана унаасы деген таблицалар бош калтырылган. Жалпы баасы 1 миллион 650 миң сомдук бодо малы, кочкору, жылкысы бар.