Сокулуктагы батирден 72 жаштагы жарандын жансыз денеси табылды

Сокулук районунун Шопоков шаарындагы батирден 72 жаштагы жарандын жансыз денеси табылды. Бул тууралуу Өзгөчө кырдаалдар министрлигинен кабарлашты.

"ӨКМга Шопоков шаарынын Дзержинский көчөсүндө жайгашкан батирдин эшигин ачып берүү тууралуу маалымат келип түшкөн. Аталган дарекке 2 куткаруучу саат 20:00дө чыгып, саат 20:24тө батирге терезе аркылуу кирип эшикти ачып беришкен. Батирдин ичинде 1949-жылы туулган Ю.Л. аттуу жарандын жансыз денеси табылган. Каза болгон жарандын сөөгүн куткаруучулар райондук ички иштер кызматкерлерине өткөрүп беришти", - деп билдиришти ӨКМдан.