"Уят эле уят дейсиңер". Назира Айтбекова "ачылганда" же Айтбекованын чуу жараткан сүрөттөрү

Теле алып баруучу, актриса Назира Айтбекова ачык сүрөттөрүн жарыялап, интернет айдыңында талкуу жаратты. Анын мындай сүрөттөрү коомду эки ажырымга бөлгөнүн жазылган комментарийлерден байкоого болот. Көпчүлүгү суктанып, Назира Айтбекованы эрки күчтүү, көз карандысыз айым деп алкаса, айрымдары акыл айтып, ыйманга чакырган пикирлерин жазышууда.

Алып баруучу мындай сүрөттөрүн кабыл албай жаткандарга жооп иретинде дагы бир пост чыгарды. Анда катнашка барган, зордуктаган, ала жипти аттаган уят, сүрөткө түшүү уят эместиги айтылат.

"Бизде, кыргыздарда уят кийимге эле бүткөн! Кийим кийип алып коррупция кылсаң уят эмес! Кийим кийип алып ууру кылсаң, элдин казынасына, ырыскысына кол салсаң уят эмес! Кийим кийип алып каратып туруп калп айтсаң уят эмес! Кийим кийип алып сүрөтүн тартып алып, *екс сунуштаган уят эмес! Кийим кийип алып элдин, балдарыңардын келечегин 500-1000 сомго саткан уят эмес! Кийим кийип алып аялдарыңардын, эрлериңердин башын аттаган уят эмес! Кийим кийип алып киши өлтүргөн уят эмес!

Кийим кийип алып аялыңарды ур-токмокко алган уят эмес! Кийим кийип алып балдарыңарды, өз кызыңарды, туугандарыңардын балдарын зордуктаган уят эмес! Кийим кийип алып бирөөнү зордуктап коюп кетип калган уят эмес! Бала жасап коюп, алименттен качып жүргөн уят эмес!", - деп жазат.

Буга чейин Назира айым бөдөнө тумшук мамагы менен талкууга алынган эле.