Бишкектин көчөлөрүндөгү талапка жооп бербеген 63 даана көрнөк-жарнак алынды

Бишкекте кезектеги рейд учурунда көчөлөрдө мыйзамсыз илинген жана талапка жооп бербеген 63 даана көрнөк-жарнак алынды. Муну мэриянын басма сөз кызматы билдирди. Рейд Л.Толстой, Т.Молдо, Т.Фрунзе жана Чортеков көчөлөрүндө жүрдү. Мэрия бул иштер “Мамлекеттик тил жөнүндө” мыйзамынын жана мэриянын “Борбор шаардык көркөм-эстетикалык көрүнүшүн жакшыртуу чаралары” токтомунун негизинде жасалганын билдирет.