Бишкек-Нарын жолунда күйгөн унаа: Кырсыктан жалпы 3 адам жаракат алды

Чүй облусунун Кемин районунда 9-декабрда айдоочу рулга ээ боло албай тосмону сүзгөн. Анын кесепетинен унаадан өрт чыгып, 1986-жылы туулган Ө.Т. аттуу аял киши денесинен күйүк алганын Өзгөчө кырдаалдар министрлигинен кабарлашкан.

Кийинчерээк маалым болгондой, Бишкек-Нарын-Торугарт унаа жолунда Ауди С4 үлгүсүндөгү унаанын айдоочусу рулду башкара албай жолдун тосмосун сүзүп, унаадан өрт чыккан. Кырсыктан 1986-жылы туулган Ө.Т. (аял киши) жана 1946-жылы туулган М.К., 1985-жылы туулган М.М. аттуу кишилер жаракат алып, "Тез жардам" кызматы аркылуу ооруканага жеткирилген.