Эмгек сиңирген артист Шайыр Касымалиеванын апасы дүйнө салды

Кыргыз Республикасынын Эмгек сиңирген артисти Шайыр Касымалиеванын апасы Гүлнара Суранчиева дүйнө салды. Бул туурасында актрисанын өзү тарабынан белгилүү болду.

Ал кечээ, 9-декабрда 73 жашына көз жумду. маркумду акыркы сапарга узатуу зыйнаты бүгүн, 10-декабрда болду.

Гүлнара Суранчиева Нарын театрында бийлеп, бутун кокустатып алгандан кийин актёр-актрисаларды миң түстүү кейипте көрсөткөн гримдөөчү болуп Токтоболот Абдумомунов атындагы Кыргыз улуттук академиялык драма театрында грим бөлүмүнүн башчысы болуп эмгектенген.

SUPER.KG порталынын эмгек жамааты Гүлнара Суранчиеванын дүйнөдөн кайтканына байланыштуу үй-бүлөсүнүн, жакындарынын аза кайгысын тең бөлүшүп, терең кайгыруу менен көңүл айтат.