Жер менен тегизделген үйлөр, тамырынан жулунган бактар, оодарылган унаалар... АКШ торнадодон кийин (сүрөттөр)

АКШнын түндүк-чыгышында жумадан ишембиге караган түнү катталган тропикалык "Ида" куюну жалпысынан 6 штаттан: Миссури, Миссисипи, Арканзас, Теннесси, Иллинойс, Кентукки штаттарынан өтүп олуттуу зыяндарга алып келди. Алардын ичинен эң көп Кентукки штаты жабыркады. Ал эми аталган штаттагы Мейфилд шаары толугу менен кыйраганын чет элдик басылмалар жазып чыгышты. Акыркы маалыматтарга караганда жараталыш кырсыгынан каза тапкандардын саны 100дөн ашты.

Мейфилд шаарынын мэри Кэти Стюарт "Шаардагы жеке менчик унааларда жана имараттарда сынбаган айнек калган жок", - деп билдирди. Анын айтымында куюн Мейфилд шаарындагы бир катар имараттарды жер менен кошо тегиздеп кеткен. Ал ортодо дүйнөлүк маалымат булактары жарыялаган Кентукки штатындагы сүрөттөрдөн тамырынан жулунган бактарды, оодарылган унааларды, жер менен тегизделип калган имарат урандыларын көрүүгө болот.