Жакында! Күрөштүн түрлөрү боюнча Кыргыз өлкөсүнүн чемпиондугу өтөт

2022-жылдын январь айында Кабаа уулу Кожомкул атындагы спорт сарайында күрөштүн эркин жана грек-рим түрлөрү боюнча Кыргыз өлкөсүнүн чемпиондугу өтөт. Бул тууралуу Күрөш федерациясынын маалымат кызматынан билдиришти.

Өлкөнүн эркин күрөш боюнча мыкты балбандарын аныктаган мелдеш 12-14-январь күндөрү болот. Анда 10 салмак категориясы боюнча чемпиондор аныкталмакчы.

12-январда чүчү кулак тартылып, 13-январда 57, 65, 74, 86 жана 97 килограмм салмактагы балбандар килемге чыгышат. Ал эми 14-январда 61, 70, 79, 92 жана 125 килограмм салмак категориясындагылар ат салышат.

Ал эми 15-16-январда грек-рим күрөшүнүн балбандары ат салышат.

14-январь күнү чүчү кулак тартылып, 15-январда 55, 63, 72, 82 жана 97 килограмм салмактагы балбандар таймашат. Ал эми 16-январда 60, 67, 77, 87 жана эң оор 130 килограмм салмактагы балбандар күрөшөт.

Айта кетсек, мелдештин жыйынтыгы менен Азия жана дүйнө чемпиондугуна бара турган улуттук команда куралат.