Садыр Жапаров жакында Индияга иш сапары менен барат

Руслан Казакбаев Индиянын тышкы иштер министри Субраманьям Жайшанкар менен жолукту. Бул тууралуу Тышкы иштер министрлигинин басма сөз кызматынан билдиришти.

Маалыматка ылайык, жолугушуу кечээ, 19-декабрда Нью-Дели шаарында өткөн “Индия-Борбордук Азия” министрлер диалогунун алкагында болгон. Сүйлөшүүлөрдүн жүрүшүндө министрлер кыргыз-индия кызматташтыгын талкуулашкан. Анын ичинен саясий, соода-экономикалык жана маданий-гуманитардык өнөктөштүк чөйрөлөрүнө басым жасалган.

Муну менен катар президент Садыр Жапаровдун “Индия - Борбордук Азия” саммитине катышуусунун алкагында 2022-жылдын январында Индияга боло турган иш сапарын даярдоого өзгөчө көңүл бурулган.