Кыргыз өлкөсү менен Грузия футзал боюнча беттешет

Грузиянын Тбилиси шаарында 21-22-декабрь күндөрү Кыргыз өлкөсүнүн жана Грузиянын футзал боюнча улуттук курама командалары жолдоштук беттеш өткөрөт. Бул тууралуу Кыргыз футбол бирикмесинин басма сөз кызматынан билдиришти.

Маалыматка ылайык, Кыргыз курамасы бул беттешти 2022-жылы өтө турган Азия Кубогуна даярдык катары өткөрүүдө.

Белгилей кетсек, Кыргыз өлкөсүнүн курама командасы мелдешке даярдык көрүү үчүн 13-19-декабрда Чолпон-Ата шаарында окуу-машыгуу, ошондой эле Азия кубогунун тандоо этабына даярдануу максатында футзал жыйынын өткөргөн.