Сергей Дворянков: “Азербайжан менен ойной турган курамга Өлкө чемпиону “Алайдын” оюнчулары чакырылган жок”

Эртең, 19-ноябрда боло турган Кыргызстан-Азербайжан оюнуна Өлкө чемпиону “Алайдын” оюнчулары чакырылган жок. Бул тууралуу бүгүн, 18-ноябрда Кыргызстан жана Азейрбайжан курама командаларынын башкы машыктыруучуларынын журналисттер менен жолугушуу учурунда Кыргызстандын башкы машыктыруучусу Сергей Дворянков билдирди. “АФКнын (Азия футбол конфедерациясы) 2014-жылы өтө турган Чакырык кубогуна карата көрүлүп жаткан даярдыктын алкагында өтүүчү жолдоштук оюндардын бирине “Алайдын” 5 оюнчусун чакырганбыз. Клуб жетекчилери оюнчуларына уруксат берген жок. Бул үчүн клуб акчалай айыпка жыгылган. Башка чара көрүлгөн эмес. Ушуга байланыштуу Азербайжан менен болчу оюнга “Алайдын” футболчуларын чакырган жокпуз”,- дейт ал. Ага кошумча, эртең боло турган оюнда Сергей Дворянков курамда 20 футболчу  бар экенине токтолду.