Футзал: Кыргыз курамасы Грузияны жеңип алды

Футзал боюнча Кыргыз улуттук курама командасы Тбилиси шаарында Грузия курама командасына каршы ойноп, 2:1 эсебинде жеңип алды.

Кыргыз курамасынан голдорду Шохрух Махмадаминов 13 жана 18-мүнөттөрдө киргизди. Ал эми каршылаштардан Ираклий Тодуа жаратты.

Эртең, 22-декабрда Кыргыз курамасы Грузияга каршы экинчи жолдоштук беттешин өткөрөт.

Белгилей кетсек, Кыргыз өлкөсүнүн курама командасы мелдешке даярдык көрүү үчүн 13-19-декабрда Чолпон-Ата шаарында окуу-машыгуу, ошондой эле Азия кубогунун тандоо этабына даярдануу максатында футзал жыйынын өткөргөн.