Усэйн Болт менен Шелли-Энн Фрэйзер-Прайс "Жылдын мыктылары" деп аталышты

Эркектер арасында жыл мыктысы болуп Усэйн Болт аталса, кыз-келиндер арасында Шелли-Энн Фрэйзер-Прайс сыйлык ээси болду.

Алыстыкка секирүү боюнча белгилүү болуп калган америкалык Дуайт Филлипс да жыл мыктыларынын катарына кирди.

Дагы бир америкалык жөө күлүк Мэри Кэйниз спорт дүйнөсүн жаңы багындырып баштаган жылдыз катары сыйлыкка арзыды.

Орусиялык жеңил атлет, шыргый менен секирүү боюнча Моквада өткөн Дүйнө чемпиондугунда алтын тагынган Елена Исинбаева сыйлыксыз калган жок. Ал мыкты карьерасын улап келе жаткандыгы үчүн атайын сыйлыкка арзыды.

Кечээ, 17-ноябрда Франциянын Монако шаарында Эл аралык жеңил атлетика федерацияларынын ассоциациясынын жыл мыктыларына сыйлык тапшыруу аземи болду. Бул тууралуу аталган ассоциациянын расмий сайты билдирет.

Маалыматка ылайык, “Жылдын мыкты спортчусу” наамына айымдар арасында жана уландар арасында Ямайка курама командасынын мүчөлөрү Усэйн Болт менен Шелли-Энн Фрэйзер-Прайс ээ болушту.