Бишкекте эмерек жасайм деп 160 миң сом алып из жашырган адам кармалды

Бишкектен эмерек жасайм деп 160 миң сом алып из жашырган адам кармалды. Бул тууралуу Октябрь РИИБинен маалымдашты.

Маалыматка ылайык, 13-декабрда шаар тургуну А.Б. аттуу жаранга карата чара көрүү өтүнүчү менен кайрылган. Анда 12-сентябрда Кулатов көчөсүндө жайгашкан кеңсеге А.Б. эмерек жасоо шылтоосу менен кирип, 160 миң сом өлчөмүндөгү акча каражаттарын алып, азыркыга чейин берген убадасын аткарбай качып жүргөнү айтылган.

Бул факты боюнча Кылмыш-жаза кодексинин 209-беренеси "алдамчылык" менен кылмыш иши козголгон.

"Териштирүү иш-чараларынын жүрүшүндө, Октябрь РИИБинин шаардык милициясынын кызматкерлери тарабынан алдамчылыкка шектүү А.Б. кармалып, тергөө кызматына алып келинген. Кылмыш-процессуалдык кодексинин 96-беренесине ылайык, Бишкек ШИИББинин убактылуу кармоочу жайына киргизилди", - деп айтылат маалыматта.