Садыр Жапаров: "Элдин мага койгон башкы талаптарынын бири “Кумтөр” элге өтсүн" деген болду"

"Элдин мага койгон башкы талаптарынын бири “Кумтөр” элге өтсүн" деген болду", - деп бүгүн, 25-декабрда министрлер кабинетинин жыйынында президент Садыр Жапаров билдирди.

"Эл аралык аренада Кыргыз өлкөсүнүн аброюн көтөрүп, тең ата сүйлөшүүгө чыксак деди. Биз бул тапшырманы аткардык, катуу кириштик. Акылбек Усөнбекович, Динара Асиевна Кутманова, Камчыбек Кыдыршаевич, Курманкул Токторалиевич, Теңиз Бөлтүрүк баштаган команда ар тараптуу күрөштү баштады. Кыргыз элинин “Кумтөр” боюнча бардык ой-тилегин, максатын сөзсүз ишке ашырабыз. Ал үчүн биринчи кезекте мыйзамдык жактан күчтөдүк. Президенттик ишке киришерим менен биринчи чыгарылган 5 жарлыгымдын ичинде дал ушул “Кыргыз Республикасынын тоо-кен тармагын реформалоо маселелери жөнүндө” жарлыгымды чыгаргам", - дейт ал.