Ильяз Андаш: "Бир ыр ырдап доллар алып кетесиңер дегендер бар"

Жакында эле "Кызым" аттуу ырын чыгарып, жаңы жылдан соң клибин чыгарганы турабыз деген ырчы Ильяз Андаш менен маектештик. Ырчы мырза менен чыгармачылыгы, үй-бүлөсү, жаңы чыгып келе жаткан ырчылардан кимди көрүнүктүү деп эсептерин билип, баарлашып кайттык.

"Ооба, жакында эле "Кызым" аттуу ырымды чыгардым, эми жаңы жылдан соң клибин көрө аласыздар. Биз тойлорго ырдаганы барганда эл "ушул ырчылар келип 1-2 ыр ырдап эле долларларды алып кетет" дешет. Анын артында канча деген мээнет, талыкпас эмгек жатканын билбегендер дагы бар", - дейт Ильяз Андаш.