Кассалык аппаратка эле эмес. Ишкерлер эмнеге жаңы Салык кодексине каршы чыгып жатканын айтышты

Бүгүн, 27-декабрда жаңы Салык кодексине нааразы болгон ишкерлер өкмөт үйүнүн алдына митингге чыгышты.

Алар азыр президенттин кароосунда турган мыйзам долбоорунда алешемдиктер көп деген пикирлерин айтышып, өлкө башчысынан аны артка кайтарууну өтүнүштү.

Алар "митингге чыккандар кассалык аппаратка эле каршы" деген түшүнүк калыптанып бара жатканын, бирок бул туура эместигин айтышат.

Алардын айтымында, жаңы кодекс ишке кире турган болсо Салык кызматы кол тийбес, өтө коррупциялашкан түзүмгө айланат. Ошондой эле жаңы кодекс, ишкерлер менен элдин чөнтөгүнө кол салып, баалардын кескин кымбаттоосуна алып келет.

Кассалык аппарат сыяктуу оңтойсуз эрежелери соода тармагында баш аламандыктарды жаратат дешет нааразы болгондор.

Митингге чыккан ишкерлердин талабы менен төмөнкү видеодон кеңири тааныша аласыздар: