Чүйдө эртең менен көп кабаттуу үйлөрдүн биринин алдында аялга кол салуу болду. Шектүү изделүүдө

Чүй облусунун Аламүдүн районунда көп кабаттуу үйлөрдүн биринин алдынан аялдын денесине залал келтиргенге шектүү изделүүдө.

Облустук ички иштер башкы башкармалыгынын маалыматына ылайык, окуя 26-декабрда катталган. Анда болжол менен саат 06:42 чамасында Аламүдүн РИИБинин нөөмөт бөлүмүнө көп кабаттуу үйлөрдүн биринин кире беришинен белгисиз киши аялдын денесине залал келтиргени тууралуу маалымат келип түшкөн.

"Окуя болгон жерге дароо ыкчам тергөө тобу барганда, 1991-жылы туулган К.М. аттуу айым арыз менен кайрылып, болжол менен 35-40 жаш курактагы бейтааныш эркек киши эртең мененки саат 06:30да эч себепсиз анын денесине залал келтирип, белгисиз тарапка из жашырып кеткенин билдирген.

Бул факты каттоого алынып, териштирүү иштери башталды. Анын негизинде жабырлануучуга соттук-медициналык экспертизалар дайындалды. Учурда окуяга тиешеси бар жарандын аты-жөнүн тактоо, аны кармоо үчүн ыкчам тергөө иш-амалдары жүргүзүлүүдө", - дешет маалымат кызматынан.