"Өлкө үчүн иштеп арыктап жатат...". Ким Чен Ындын арыктап кеткен сүрөтү талкууда

Түндүк Кореянын лидери Ким Чен Ындын акыркы сүрөттөрү интернет булактарына тарап, анын арыктап кеткени талкуу чордонунан түшпөй келет.

Чет элдик басылмалардын маалыматына ылайык, Ким Чен Ын Түндүк Кореянын Эмгек партиясынын кезектеги отурумуна катышкан. Отурумда тартылган сүрөттөрдөн Ким Чен Ындын мурдагыга караганда арыктап калганын байкоого болот.

Ал эми Түндүк кореялык жалпыга маалымдоо каражаттары өлкөдө тамак-аш жетишсиздиги күч алып жаткандыктан Ким Чен Ын өлкө үчүн тамак аз ичип жатканын жазышкан. Ошондой эле аталган өлкөнүн телеканалдарында Ким Чен Ындын тамак аз ичкендиктен арыктап кеткени "элдин жүрөгүн жаралап жатат" деген маалымат айтылган.

Айрым маалымат булактарында өлкө үчүн жасалган жумуштун көптүгү жана оордугу анын арыктоосуна себеп болгонун белгилешкен. Мындан тышкары ал атайын, саламаттыгына кам көрүү үчүн арыктады деген кабарлар жазылган.