Телеграм мессенжеринде жаңы мүмкүнчүлүктөр түзүлдү

Билдирүүлөрдү башка тилдерге автоматтык которуу телеграм мессенжеринде бир жылдын ичинде 12 жаңыланууда жеткиликтүү болду. Ошондой эле реакциялар, уникалдуу дизайндагы QR коддор, жашыруун текст жана башка инновациялар пайда болду. Бул тууралуу орусиялык басылмалар жазышты.

Маалыматка ылайык, эмодзилердин кээ бирлери реакция катары колдонулушу мүмкүн - ал керексиз билдирүүлөрдү жөнөтпөстөн, өз пикириңизди тез билдирүүгө жардам берет. Ошондой эле жаңылыктардын арасында каттарда да, чаттар менен эскертмелерде да көрсөтүлбөгөн жашыруун текст функциясы бар. QR коддорун түзүү мүмкүнчүлүгү да пайда болду.

"Сиз жалпыга ачык шилтемеси бар каалаган колдонуучунун профилине өтүү үчүн QR кодун түзө аласыз. Ошондой эле топтор, каналдар жана боттор үчүн QR коддорун түзө аласыз - мисалы, досуңузга сүйүктүү блогуңузду же фан-клубуңузду тез көрсөтө аласыз", - деп жазылган билдирүүдө.