Тарыхта биринчи жолу! Кыргыз өлкөсү футзал боюнча Азия кубогунун тандоо турун өткөрөт

Кыргыз өлкөсү биринчи ирет футзал боюнча Азия кубогунун тандоо турун өткөрөт. Бул тууралуу футзал ассоциациясынын басма сөз кызматы билдирди.

Маалыматка ылайык, Азия футбол конфедерациясы Кыргыз Республикасын футзал боюнча Азия кубогунун борбордук жана түштүк аймак боюнча тандоо турнирин өткөрүүчү тарап катары расмий бекиткен. Турнир 1-15-апрель аралыгында өтөт. 6-январда тандоо раундуна чүчү кулак тартылат. Борбордук жана түштүк аймакка 8 өлкө кирет. Тор баштыктар боюнча бөлүнүүсү: №1: Иран, Өзбекстан; №2: Кыргызстан, Тажикстан; №3: Түркмөнстан, Ооганстан; №4: Непал, Мальдивы.