Францияда коронавирустун белгисиз түрү табылды

Франциянын түштүгүндө коронавирустун белгисиз жаңы түрү табылды. Бул тууралуу чет элдик басылмалар жазып чыгышты.

Маалымака ылайык, Камерундан кайтып келген француздардын арасында COVID-19дун белгисиз түрү табылган. Дарыгерлер бул штаммдын инфекциясы Африка өлкөлөрүндө кеңири таралганын айтышты. Марселден келген окумуштуулар изилдөөсүндө жаңы вируста 46 мутация бар экени аныкталган. Бул B 1.640.2 деп аталды. Азыркы учурда жаңы штаммдын коркунучу жана инфекциялык деңгээли боюнча белгисиз жана так маалымат жок. Белгилей кетсек, буга чейин орусиялык изилдөөчү Александр Драган ооруканаларда азыркы учурда жаткырылган жана каза болгон бейтаптардын санына таянып, коронавирус пандемиясы 2022-жылы да токтобой турганын жана бүт дүйнөдө омикрон штаммына байланыштуу дагы эки толкун болот деп айткан.