Митингчилер Нурсултан Назарбаевдин айкелин кулатышууда

Казакстандагы толкундоолор дагы деле уланууда. Учурда кеч киргенине карабай митингге чыккандар имараттарды басып алышып, өрт коюшуп, тартип сакчыларына каршылык көрсөтүүдө.

Алсак, Талдыкорган шаарында башаламандыктын катышуучулары элбашы Нурсултан Назарбаевдин айкелин кулатышууда.

Белгилей кетсек, Казакстанда 1-январдан тарта газдын кымбатташы себептүү нааразычылык акциясы башталып, 4-январда митинг курчуп, өлкөдө башаламандык орун алды. Бүгүн, 5-январда казак өкмөтү отставкага кетти. Бирок эл дагы деле тынчтана элек, башаламандык дагы деле уланып, бир катар имараттарды басып алды.