Казакстанда республика боюнча өзгөчө кырдаал жарыяланды

Бүгүн, 5-январдын түнүнө карабай коңшу Казакстанда абал курч бойдон калууда. Митингчилер мамлекеттик кызматтардын имараттарын басып алышып, өрт коюуну улантышууда. Ошондой эле талап-тоноолор орун алып жатканы айтылууда.

Буга байланыштуу республика боюнча өзгөчө абал жарыяланды.

Казакстанда учурга карата аба каттамдар, коомдук транспорттун каттамы токтотулуп, соода түйүндөрү белгисиз мөөнөткө жабылып, дээрлик бардык ишканалар ишин токтотушту. Ошондой эле телеканалдардын иши үзгүлтүккө учурап, интернет байланыш дагы иштебей жатканы кабарланат.