Түндө Алматыда ири соода борборлору, банктар тонолду (видео)

Бүгүн, 6-январга караган түнү Алматы шаарында мародёрлор ири соода борборлорду, банктарды тоношту.

Маалыматка ылайык, "Мега Алма-Ата", "Эсентай", "Променад", ЦУМ аттуу ири соода борборлору тонолгон. Алардын айрымдарында дагы деле мародёрлор жүрөт.

Өз кезегинде Орусия Казакстанга аскерлерин жөнөткөнү жатат. BAZA басылмасынын маалыматына караганда, Оренбург облусундагы аэродромдо аскердик даярдыктар жүрүүдө. Алар жакын арада Казакстанга жөнөтүлөт.

Эске сала кетсек, Казакстандын шаарларында бир нече күндөн бери нааразычылык акциялары өтүп, ал полиция менен кагылышууга жана тополоңго чейин жетти. Өлкөдө өзгөчө кырдаал жарыяланып, өкмөт отставкага кетти.