Алматы: Талкаланган аэропорттун видеосу жарыяланды

Социалдык тармактарда Алматы шаарындагы эл аралык аэропорттун талкаланган абалдагы видеосу жарыяланды.

Алматы аэропортуна кол салуу кечээ, 5-январда болгон. Аэропортту аскер кызматкерлери кайтарып турган. Бирок алар дагы качып кетүүгө аргасыз болушкан. Натыйжада жүргүнчүлөр шашылыш эвакуацияланган. Аэропорттогу бардык каттамдар токтотулду.

Аэропорттун кире беришинде бир нече имараттар, унаалар өрттөнгөн.

Эске сала кетсек, Казакстандын шаарларында бир нече күндөн бери нааразычылык акциялары өтүп, ал полиция менен кагылышууга жана тополоңго чейин жетти. Өлкөдө өзгөчө кырдаал жарыяланып, өкмөт отставкага кетти.