Тажикстан Казакстанга 200 аскерин жөнөтөт

Тажикстан Казакстандагы кырдаалга байланыштуу Алматы шаарына 200 аскерин жөнөтөт. Бул тууралуу укук коргоо органдарындагы өздүк булагына таянуу менен Тажикстандын жергиликтүү басылмалары жазышты.

Маалыматка ылайык, аскерлер ЖККУнун алкагында Казакстанга барып, коомдук коопсуздукту камсыздоого жардам берет.

Буга чейин Орусиянын аскер кызматкерлеринин Казакстандын Алматы шаарына жөнөп жаткан видеосу жарыяланган.

Кечээ Казакстандын мамлекет башчысы Касым-Жомарт Токаев Жамааттык коопсуздук келишим уюмундагы өнөктөштөргө кайрылганы айтылган.

Эске салсак, Казакстанда 1-январдан тарта газдын кымбатташы себептүү нааразычылык акциясы башталып, 4-январда митинг курчуп, өлкөдө баш аламандык орун алган. 5-январда Казак өкмөтү отставкага кетти. Бирок эл дагы деле тынчтана элек.