Казакстандагы массалык башаламандыкта келтирилген зыяндын болжолдуу суммасы айтылды

Казакстандагы массалык башаламандыктын кесепетинен кыйроолор, талап-тоноолор орун алды. Бүгүн, 6-январга карата митингден улам келтирилген зыяндын болжолдуу суммасы айтылды.

Казак басылмалары ишкерлердин улуттук палатасына шилтеме берүү менен жазган маалыматына караганда, келтирилген зыян алдын ала 92 миллион долларды түздү.

Эске салсак, Казакстанда 1-январдан тарта газдын кымбатташы себептүү нааразычылык акциясы башталып, 4-январда митинг курчуп, өлкөдө баш аламандык орун алган. 5-январда Казак өкмөтү отставкага кетти. Бирок эл дагы деле тынчтана элек.

5-январда абал курчуп, Казакстандын мамлекет башчысы Касым-Жомарт Токаев Жамааттык коопсуздук келишим уюмундагы өнөктөштөргө кайрылган.