Орусиянын аскерлери Казакстандын аэропортуна конуп, учактан түшүп жатышат (видео)

Коңшу Казакстанга Орусиянын аскер кызматкерлери келишти. Алар отурган учак Казакстандын аэропортуна конгонун, андан аскерлердин түшүп жатканын көрүүгө болот. Ошондой эле учакта атайын унаа дагы бар.

Орусиянын Тышкы иштер министрлигинин расмий өкүлү Мария Захарова Жааматтык коопсуздук кеңеши уюмунун күчтөрү Казакстан бийлигинин өтүнүчү менен жөнөтүлгөнүн жана бул чечим жамааттык түрдө кабыл алынганын эске салды.

Буга чейин Орусиянын аскер кызматкерлери Казакстандын аймагына киргени, алар атышуу болуп жаткан Алматы шаарына барышы мүмкүн экени кабарланган.

Эске сала кетсек, Казакстандын шаарларында бир нече күндөн бери нааразычылык акциялары өтүп, ал полиция менен кагылышууга жана тополоңго чейин жетти. Өлкөдө өзгөчө кырдаал жарыяланып, өкмөт отставкага кетти.