Ысык-Көл. Кар көчкү түшкөн Каракол-Эңилчек унаа жолу тазаланып, толугу менен ачылды

Ысык-Көл облусунун Ак-Суу районунда үстүбүздөгү жылдын 3-декабрь күнү саат 22:00 чамасында Каракол-Эңилчек унаа жолунун 76-87-чакырымдарында, такталган маалымат боюнча (8 жерден) жалпы көлөмү 150 миң метр куб болгон кар көчкү түшүп, натыйжада унаа жолу убактылуу жабылган. ӨКМнын облустук бөлүмүнүн кезметчиси Бактияр Токсомбаев билдиргендей, тазалоо иштерине Унаа жана байланыш министрлигинен жолдорду эксплуатациялоочу №-11-ишканасы тарабынан 3 бульдозер жана 1 жүктөгүч тартылып, 7-декабрь күнү саат 7:00дө унаа жолу толук ачылды.